جرى إيه يا مصري صوتك فين راح فين
عقلك مين خده مين ؟؟؟
لقمه عيشك شغلوك بيها وغرقت مابين هم ودين
حتى التعليم حرموك منه إلا فـ مدارس خصوصيين
كل حياتك لقمه وهدمة(1) وطابور عيش فيه واقفيين
ودروس خاصة لكل عيالك م الجامعة للمبتدئين
وماتشات كورة فيها لعيبة كسر زبالة مشلولين
أهلي زمالك ولا محلّة(2) اتنيلوا أنتو تروحوا فين
حتى المسخرة تستوردها من لبنان نسوان لونيين
مبقاش لك لون ولا صبغة مبقاش عندك ذمة ودين
مبقاش عندك أيِّ حماس وبقيت م المكتئبين
يا خسارة يا مصري أكتوبر ويا مصري سبعة وستين
حتى فـ وقت النكسة نطقت وكان تعبيرك صدق يقين
وفـ وقت الأزمات كان صوتك بيغير وزرا(ء) وقوانين
أمال مالك إيه اللي جرالك مال أجيالك بقوا خرعين
يخرب بيت أم اللي اتسبب فـ ضياعك وضياع ملايين
البيت الأبيض فـ واشنطون ووراه العملا الواطيييين
No comments:
Post a Comment