Monday, November 26, 2012



أه أه أه أه أه يا زمن 


كان يا ناس في يوم من الايام

كان يا ناس في زمن من الازمان
زمن لما كنت عايش وحيد
ماشي لوحدي لطريق بعيد
كنت صابر وانا ماشي الطريق
لا معايا أخ ولا حبيب ولا صديق
لو سألتوني كنت مرتاح
هأقولكم كان كلي جراح
ماكان شيئ بيسرني ولا شيئ بيسعدني
كانت كل حاجه بتغرني وكمان بتبعدني
عشت كتير علي ده الحال
عاشق السفر والبعد والترحال
طريق طويل مش شايف ليه نهايه
مشيت فيه كل خطوه بحكايه
كان صعب ومشيته ومش بأيديا
الظروف جبرتني وغصبته علي عنيا
فين نهايتك يا طريق نفسي تقولهالي
اتمليت انا احزان ولا كان علي بالي
تعبت اوي يا زمن ومش عارف اعمل ايه
بأدعيلك ياربي ارحمني من اللي انا فيه
نديت كتير علي صحابي وشكلهم مش سامعني
عمال أنده وانادي ومحدش عاوز يرد
صوتي راح يا ناس ولا لاقي جنبي حد
فين اللي كان زمان بيقول عليا اعز صديق
راح دلوقتي خلاص ومعاه كل شيئ
سابني يا ناس وراح سابني انا غريق
اه منك يا صاحبي يا صحبه ماتساويش
ياما خدت مني وأقولك هات تقول ممعيش
ويوم ماتفكر تديني تروح تقول لولايا مش هيعيش
يرحم زمان أيام ماكان كل اللي في جيبك من مالي
ياما اديتك ياما ولا استخسرت فيك الغالي
دلوقتي خلاص يا صاحبي كلمه جاي تقولهالي
انسي اللي كان ايام زمان وانت في حالك وانا في حالي
دي كلمتك يا صاحبي قولت افكرك بيها
لونسيت أغلي ما عندي عمري ماهأكون ناسيها
وعاوز أقولك لو زماني جار عليا
انا بكره راجع تاني
ولما عنيك تيجي في عنيا
هتقول ياريتني ماكنت الجاني
موقف مش هأكون ناسيه لأخريوم في عمرنا
لو عدي يوم أو شهر أو حتي 100 سنه
خد بالك البادي أظلم وانت البادي
ولحد دلوقتي انا زي الطير الشادي
وخد بالك ياللي بتحب تكون مع صحابك جدع وكريم
مثل قالوه زمان اتقي شر الحلييم
انت يا صاحبي ممكن تكون غلطت
وانا علشان العشره ممكن اكون سكتت
بأتمني دلوقتي من ربنا تقول كلمه عليا ولو من بعيد
هاتبص تلاقيني جاي عليك بالقديم والجديد
لقدأعذر من أنذر مثل معترف بيه
ومش هأقولك انا تاني اكتر من اللي قولت عليه
واللي في دماغك ليا اعمله بس استحمل المقابل لو كنت من الرجال
بس احسنلك ما توقفشي قصادي يعني ما تحاولشي تهد في الجبال

No comments: